भक्तपुरमा भेटिएकाे प्रेशर कुकर बम सुरक्षाकर्मीले निष्क्रिय पारे

0 Shares

भक्तपुर – अज्ञात समूहले भक्तपुरका दुई ठाउँमा राखेको प्रेसर कुकर बम सेनाको टोलीले निष्क्रिय पारेको छ । भक्तपुरको सूर्यविनायक, आदर्श चोक र मध्यपुरठिमी नगरपालिका–१ लोकनथलीमा मंगलबार बिहानै प्रेसर कुकर बम भेटिएको थियो ।

सूर्यविनायकको आदर्श चोक र मध्यपुरठिमीको लोकनथलीमा शंकास्पद बस्तु देखेपछि स्थानीयले प्रहरीलाई खबर गरेका थिए । प्रहरी तथा सेनाको बम डिस्पोजल टोलीले बिहान ६ बजेतिर दुवै ठाउँको शंकास्पद बस्तु प्रेसर कुकर बम रहेकाले निष्क्रिय पारेको भक्तपुर प्रहरी परिसरका सूचना अधिकृत एवं प्रहरी नायव उपरीक्षक रेवतीरमण पोखरेलले जानकारी दिए ।

उनले देश सञ्चारसँग भने, ‘दुवै ठाउँमा भेटिएको शंकास्पद बस्तु प्रेसर कुकर बम रहेछ । तर दुवैलाई सुरक्षित रुपमा डिस्पोज गरिएको छ । अहिले सुरक्षा व्यवस्था कडा पारिएको छ ।’

बम कसले राखेको भन्ने नखुलेको र कोही पक्राउ पनि नपरेको उनले बताए । घटनामा संलग्नको खोजी भइरहेको र भक्तपुरभरिकै सुरक्षा व्यवस्था कडा परिएको उनले जानकारी दिएका छन् ।

बम आफ्नो नेता पक्राउ परेको बिरोधमा बन्द आह्वान गरेको नेत्रविक्रम चन्द, विप्लव नेतृत्वको नेपाल कम्युनिष्ट पार्टीका कार्यकताले राखेको हुन सक्ने आशंका गरिएको छ ।

भक्तपुरमा बन्दको प्रभाव भने निकै कम रहेको प्रहरी नायब उपरीक्षक पोखरेलले बताए । अहिले बम निष्क्रिय पारिएकोसहित सबै ठाउँमा प्रहरीको परिचालन बाक्लो रहेको र सुरक्षा व्यवस्था कडा परिएको उनले बताएका छन् ।

0 Shares

Leave a Reply

Your email address will not be published. Required fields are marked *