नागिन बन्दै श्रद्धा कपुर
बलिउड जगतमा इच्छाधारी नागिनको अवधारणा निकै पुरानो र असरदार मानिन्छ। ८० को दशकमा नायिका श्रीदेवीले फिल्महरूमा नागिन बनेर सबैलाई त’र्साएकी थिइन्। त्यतिबेलाका धेरै फिल्महरूमा नागिन कला देखाइन्थ्यो। त्यसपछि नयाँ नयाँ अवधारणाहरूको जन्म र प्रयोगसँगै इच्छाधारी नागिनको प्रचलन बलिउडबाट नै हरायो। साना पर्दाहरूमा भने फाट्टफुट्ट यस्ता कथाहरू देखाउने क्रम जारी नै रहेको छ।
अब बलिउडमा धेरै पछि त्यही पुरानो ट्रेन्ड फर्किने भएको छ। स्रोतअनुसार, ठुलो पर्दामा पहिलोपटक श्रद्धा कपुरले नागिनको भूमिका निभाउन गइरहेकी छन्। उनले फिल्मसम्बन्धी एउटा नयाँ प्रोजेक्टमा साइन गरिसकेको बताइएको छ।
श्रद्धा कपुरको नयाँ फिल्मको नाम `नागिन´ राखिएको छ। फिल्म निखिल द्विवेदीको निर्माण र विशाल फुरियाको निर्देशनमा बनेको कुरा फिल्म समीक्षक तरण आदर्शले बताएका छन्। फिल्मलाई ३ भागको सिरिजजसरी प्रस्तुत गरिने छ। यसभन्दा पहिले बलिउडमा रीना रोय र श्रीदेवी नागिन बनिसकेका छन्।
