टि-२० विश्वकपकाे ग्लोबल छनोटमा नेपाल
![टि-२० विश्वकपकाे ग्लोबल छनोटमा नेपाल](https://www.sadakmedia.com/wp-content/uploads/2020/06/cricket_nepal.jpg)
सन् २०२२ मा हुने टी २० विश्वकप क्रिकेटका लागि नेपालले सिधै ग्लोबल छनोटमा प्रतिस्पर्धा गर्ने भएको छ । अष्ट्रेलियामा हुने उक्त प्रतियोगिताका लागि अन्तर्राष्ट्रिय क्रिकेट परिषद् (आईसीसी) ले छनोट प्रक्रियाको तालिका सार्वजनिक गरेको छ ।
नेपालसहित जिम्बावे, युनाइटेड अरब इमिरेट्स (यूएई) र सिङ्गापुरले सिधै ग्लोबल छनोट खेल्न पाउने आईसीसीले जनाएको छ । टी २० वरियताका आधारमा नेपालसहित चार देशले सिधै ग्लोबल क्वालिफार खेल्न पाउने छन् ।
ग्लोबल क्वालिफायरमा कूल १६ टोलीले प्रतिस्पर्धा गर्नेछन् । शीर्ष चार टोलीले मात्र विश्वकपमा स्थान बनाउने छन् । आईसीसीले सन् २०२० को अक्टोबरमा शुरु हुने टी २० विश्वकपका लागि चार चरणमा छनोट प्रतियोगिता गर्ने तालिका सार्वजनिक गरेको छ । पूर्वी एसिया र अफ्रिकाबाट एउटा तथा अमेरिका, युरोप र एसियाबाट दुई दुई टोली ग्लोबल क्वालिफायरमा प्रवेश गर्ने छन् ।
ग्लोबल क्वालिफायरमा १६ टोलीलाई दुई समूहमा विभाजन गरिनेछ । दुवै समूहका शीर्ष दुई दुई टोली टी २० विश्वकप क्रिकेटका लागि छनोट हुने आईसीसीले जनाएको छ ।