सडक दुर्घटनामा युनियन लाइफका दुई कर्मचारीको मृत्यु
काठमाडौं । चितवनको भरतपुरमा कार र ट्रक ठोक्किदा युनियन लाइफ इन्स्योरेन्स कम्पनीका दुई जना कर्मचारीको दुर्घटना स्थलमै मृत्यु भएको छ । भरतपुर महानगरपालिकाको दासढुंगामा भएको दुर्घटनामा युनियन लाइफको दुई जना ब्रान्च म्यानेजरको मृत्यु भएको हो ।
दुईटनामा कारमा सवार गरिरहेका स्याम्घा नगरपालिका ४ बस्ने २८ वर्षका धर्मराज गौली र कास्की लेखनाथ नगरपालिका बस्ने ३१ वर्षका रामकृष्ण भुजेलको मृत्यु भएको हो ।
दासढुंगामा हिजो दिउँसो साढे ४ बजे नारायणगढबाट मुग्लिन जाँदै गरेको ना ६ ख ७३७१ नम्बरको ट्रकले मुग्लिनबाट आइरहेको बा २१ च ६८५९ नम्बरको कारलाई ठक्कर दिएको थियो ।
दुर्घटनामा परी घाइते भएका अन्य व्यक्तिको उपचार भइरहेको छ ।
