देउसी भैलोबाट संकलन रकमले शिक्षकको पारिश्रमिक दिने
अछाम : अछामको चौरपाटी गाउँपालिका स्थित श्री परिवर्तनशिल युवा क्लब र श्री देविस्थान आधारभूत विद्यालयले संयुक्त रूपमा देउसी भैलो खेलेर संकलन गरेको रकम सामाजिक कार्यमा खर्च गरिने भएको छ ।
संयुक्त रूपमा कार्तिक -१५ गते देखी १९ गतेसम्म सञ्चालन गरिएको देउसी भैलो कार्यक्रमबाट संकलन गरिएको रकम
चौरपाटी गाउँपालिका -१ सिउडि स्थित श्री देविस्थान आधारभूत विद्यालयमा कार्यरत निजी स्रोतका दुई जना शिक्षक हरुको तलबमा खर्च गरिने युवा क्लबका अध्यक्ष देबबहादुर साउदले जानकारी दिए ।
देउसी भैलो बाट ३ लाख ५२ हजार २ सय ६५ रकम संकलन भएको थियो । विगतका वर्षमा पनि यस क्लबले सामाजिक कार्य गर्दै आएको उनले बताए ।
सधैंका वर्ष झैं यो वर्ष पनि बिधालयमा कार्यरत दुई जना निजि स्रोतका शिक्षक हरुलाइ देउसी भैलो बाट संकलन भएको रकमले युवा क्लबले तलब खुवाउने बिधालयालयका प्रधानाध्यापक हर्कबहादुर साउदले बताए ।
रचनात्मक कार्यहरू गरेर क्लबले संकलन गरेको पैसाले दुई जना शिक्षकको पारिश्रमिक पाउदा धेरै राहत भएको उनको भनाइ छ ।क्लबका अध्यक्ष देब बहादुर साउद र विद्यालय व्यस्थापन समिति अध्यक्ष नरेश साउदको नेतृत्वमा देउसी भैलो कार्यक्रम गरिएको थियो ।
