नेकपा एमाले अछामका नेता बुढा नेपाली काङ्ग्रेसमा प्रवेश
अछाम : नेकपा एमाले अछामका नेता झंकर बहादुर बुढा नेपाली काङ्ग्रेसमा प्रवेश गरेकाछन ।
नेकपा एमाले जिल्ला कार्यसमिति सदस्य,स्थानीय तहको निर्वाचन २०७४ मा एमाले पार्टी बाट वडा अध्यक्ष पदका प्रत्यासि समेत रहेका नेता बुढा नेपाली काङ्ग्रेसको १०० दिने पार्टी सुदृढीकरण विशेष अभियान अन्तर्गत ढुङ्गाचाल्लामा भएको कार्यक्रममा प्रवेश भएका हुन् । बुढा लाई काङ्ग्रेस अछामका महासमिति सदस्य बलबहादुर कुवरले काङ्ग्रेस पार्टीमा स्वागत गरेका हुन् ।
नेता बुढालाई स्वागत गर्दै काङ्ग्रेस नेता कुवरले बिपिको आदर्श र सिद्धान्तलाई आत्मसात गर्दै काङ्ग्रेस पार्टीमा प्रवेश गरेको मा धन्यवाद दिए । पार्टीमा कुनै काखा र पाखाको व्यवहार नहुने समेत बताए ।
नेपाली काङ्ग्रेस पार्टीको बिचार र सिद्धान्त मन परेको र आफ्नो भविष्य काङ्ग्रेस पार्टीमा भएको भन्दै काङ्ग्रेस प्रवेश भएको बुढाले बताए ।
त्यस्तै कार्यक्रममा एमालेका पार्वती बुढा लगायतका नेताकार्यकर्ता काङ्ग्रेस प्रवेश गरेका हुन् ।
वडा सभापति लोकबहादुर थापाको सभापतित्वमा भएको कार्यक्रममा नेपाली काङ्ग्रेस अछामका सचिव एवं ढकारी गाउँपालिका अध्यक्ष प्रकाश साउद,सहसचिव गोबिन्द बिष्ट , काङ्ग्रेस नेता नरबहादुर बुढा ,नेपाल शिक्षक संघ सुदुरपश्चिम् प्रदेश उपाध्यक्ष सुनिता थापा ,नेपाली काङ्ग्रेस प्रदेश अधिवेशन प्रतिनिधि भवानी प्रसाद उपाध्याय ,नेपाली काङ्ग्रेस ढकारी गाउँ कार्यसमितिका उपसभापति टंक साउद,काङ्ग्रेस नेता बलराम बिष्ट लगायतको उपस्थित रहेकोे थियोे ।
