घरदैलो मै पुगि सामाजिक सुरक्षा भत्ता बितरण गर्दै वडा अध्यक्ष भण्डारी
अछाम : रामारोशन गाउँपालिका वडा नम्बर ७ सुतारले प्रत्येक टोल टोलमा पुगेर सामाजिक सुरक्षा भत्ता बितरण गरेको छ ।
वडा अध्यक्ष खड्क बहादुर भण्डारीको नेतृत्वमा उक्त वडाको भौगोलिक रूपमा निकै टाढा रहेको मेलकाटिया,किम्तोला लगायतका टोल हरुमा सामाजिक सुरक्षा बितरण गरिएको वडा अध्यक्ष भण्डारीले बताए ।
कोरोना महामारीको कारण एकै ठाउँमा धेरै मानिस जमा गरेर भत्ता वितरणमा असहज हुने र बैंकबाट पनि वितरण गर्न सक्ने अवस्था नरहेकाले ज्येष्ठ नागरिक, अपाङ्गता भएका व्यक्ति, बालबालिका ,एकल महिलासहित एक सय चालीस जनालाई घरमा नै पुगेर सामाजिक सुरक्षा भत्ता उपलब्ध गराएको अध्यक्ष भण्डारीले बताए । बाकी रहेका टोल हरुका प्रत्येक घरमा पुगि सामाजिक सुुरक्षा भत्त्ता बितरण गर्नेे वडा सचिव लोकेेेन्द्र रावतलेे जानकारी दिनुभयो ।
