अछामका बाढी पीडितहरुलाई सुदूर पश्चिम समाज अमेरिकाद्धारा एक लाख रुपैया सहयोग
सुदूर पश्चिम समाज अमेरिकाले अछामका बाढी पीडितहरुलाई एक लाख रुपैया सहयोग गरेको छ ।
सुदूर पश्चिम समाज अमेरिकाले रामारोशन गाउँपालिका– ५ सैनी बजारका बाढी पीडितहरुको सहयोगका लागि गठित राहत संकलन तथा उद्दार समितिलाई एक लाख रुपैया हस्तान्तरण गरेको जनाएको छ ।
समितिका सदस्य भरत बहादुर स्वाँरलाई बाढी पीडितहरुको सहयोगका लागि एक लाख रुपैया हस्तान्तरण गरिएको अध्यक्ष गणेश बिष्ट र महासचिव जीवन बमद्धारा जारी गरिएको बिज्ञप्तिमा जनाईएको छ ।
समाजका तर्फबाट गणेश बिष्ट, राम बहादुर देउवा, हरीदत्त जोशी, जीवन बमले एक सय एक डलरका दरले सहयोग गरेका छन् । त्यस्तै नविन ओझा,टेक साँउद, मोहन सिंह बिष्ट, गणेश बिष्ट ख ले ५१ डलरका दरले सहयोग गरेका छन् ।
यसैगरी भोजराज ऐर,जनकसिंह खड्का, मुकुन्द मौनी धु्रवचन्द्र चौधरी र रमेश पनेरुले ५० डलरका दरले सहयोग गरेको बिज्ञप्तिमा उल्लेख छ ।
अछामको रामारोशन गाउँपालिकाको सैनीबजारमा बाढीमा परी १७ जना बेपत्ता भएका थिए । जसमध्ये सात जनाको शव फेला परेपनि अन्यको शव फेला परेन । बाढीले सैनी बजारका २२ पसल तथा घर बगाएको थियो । रामारोशनमा बाढी तथा पहिरोबाट दुई सयभन्दा बढि परिवार बिस्थापित भएका छन् ।
यसअघि पनि सुदूर पश्चिम समाज अमेरिकाले कैलालीका हावाहुरी पीडितहरुको घर निर्माणमा सहयोग गर्नुका साथै ह्युमानिटी फाउण्डेसनसंग डडेल्धुरामा पीसीआर मेसिन स्थापनाका लागि सहकार्य गरेको थियो । अमेरिकामा बस्नु भएका नेपाली ले यो विपत्ति बेला गर्नु भएको सहयोग अतुलनीय भएको भन्दै सहयोग गर्नु हुने सबैलाई राहत संकलन समिति का संयोजक पुष्प बिष्टले धन्यवाद समेत प्रकट गरेका छन
