खुल्यो चन्द्रागिरी हिल्सको आइपीओ, आजैदेखि आवेदन दिन सकिने
चन्द्रागिरी हिल्सको आइपीओ बिक्री बुधाबारदेखी खुला भएको छ। हिल्सले आज पहीलो चरणमा आयोजना प्रभावित क्षेत्रको लागि आइपीओ बिक्री खुला गरेको छ ।३ लाख ६ हजार ८ सय १९ कित्ता आइपीओ जारी गरेको चन्द्रागिरी हिल्सले १ सय अंकित मूल्यमा ३ करोड ६ लाख ८१ हजार ९ सय रुपैयाँ बराबरको आइपीओ जारी गरेको हो ।
आयोजना प्रभावित क्षेत्र काठमाडौं जिल्ला अन्तर्गत चन्द्रागिरी नगरपालिका वडा नंम्बर ३, ४, ६ र ७ साविक थानकोट गाविसाका सम्पूर्ण वडा र साविक महदेवस्थान गा.वि.स. वडा नं. ३, ४, ५, ६, ७, ८, एवं मकवानपुर जिल्लाको थाहा नगरपालिका वडा नं. ९ र १० (साविकको चित्लाङ्ग गाविसको सबै वडाहरु) र इन्द्रसरोवर गाउँपालिका वडा नं ५ (साविक फाखेल गाविसका सम्पूर्ण वडाहरु) का स्थानियले मात्रै यस आईपीओमा आवेदन दिन पाउनेछन्।
कम्पनीले जारी गर्न लागेको उक्त आइपीओमा लगानीकर्ताले पुस १ गतेसम्म आवेदन दिन सक्नेछन । सो समयमा आइपीओ बिक्री नभएमा पुस १६ गतेसम्म आइपीओ बिक्री हुने कम्पनीले जनाएको छ ।
