टि-२० सिरिज जित्दै भारतले लियो अष्ट्रेलियासँग बदला
अष्ट्रेलियासँग वानडे सिरिज गुमाएकाे भारतले टी-२० सिरिज भने कव्जा गरेकाे छ । आइतबार भएको दोस्रो टि-२० खेलमा अष्ट्रेलियालाई ६ विकेटले पराजित गर्दै भारतले एक खेल अगावै टि -२० सिरिज जितेको हो ।
सिड्नी क्रिकेट मैदानमा टस हारेर ब्याटिंगको निम्तो पाएको घरेलु टिम अष्ट्रेलियाले निर्धारित २० ओभरमा ५ विकेट गुमाएर १९४ रन बनाएको थियो । १९५ रनको लक्ष्य पछ्याएको भारतले २ बल बाँकी छँदै लक्ष्य भेटायो ।
भारतका लागि शिखर धावनले सर्वाधिक ५२ रन बनाए भने , कप्तान विराट कोहलीले ४०, केएल राहुलले ३०, संजु सामसुनले १५ तथा हार्दिक पान्ड्याले ४२ र श्रेयस ऐरले १२ रनको नटआउट पारि खेले । बलिंग तर्फ अष्ट्रेलियाका एन्ड्रयु टाई, मिचेल स्विपसन, एडम जाम्पा र डानियल साम्सले समान १/१ विकेट लिए ।
त्यसअघि टस हारेर ब्याटिंग गरेको घरेलु टिम अष्ट्रेलियाले निर्धारित २० ओभरमा ५ विकेट गुमाएर १९४ बनाएको थियो । जसका लागि म्याथ्यु वेडले सर्वाधिक ५८ रन बनाए भने स्टिभ स्मिथले ४६, हेनरिक्स मोइसेसले २६, ग्लेन म्याक्सवेलले २२, मार्कस स्टोइनिसले १६, डार्सी सर्टले ९ तथा डानियल साम्सले ८ रन बनाए । बलिंग तर्फ भारतका टि नटराजनले २ विकेट लिए भने युजभेन्द्र चहल र शार्दुल ठाकुरले समान १/१ विकेट लिए ।
