बिग बास: होबार्ट हुरिकेन्सको छाैटाैं जित, यस्तो रह्यो सन्दिपको प्रदर्शन
अस्ट्रेलियामा जारी बिग बास लिगमा नेपाली खेलाडी सन्दीप लामिछानेआवद्ध होबार्ट हुरिकेन्सले सिड्नी थन्डर्समाथि जित निकालेकाे छ ।छैटौं जित हासिल गर्ने क्रममा हुरीक्यान्सले सिड्नी थण्डरलाई ६ विकेटले पराजित गरेको हो ।
सिड्नीले दिएको एक सय ७८ रनको लक्ष्य होबार्टले १८ ओभरमा ४ विकेट गुमाएर भेट्टायो। होबार्टको जितमा विकेटकिपर ब्याट्सम्यान बेन म्याकडर्मोटले शानदार ब्याटिङ गरे। उनले ५६ बलमा ८ चौका र ५ छक्कासहित सर्वाधिक ९६ रन बनाए।
यस्तै, डेविड मालनले ४२, डार्सी शर्टले ६ रन बनाउँदा कप्तान पीटर ह्यान्सकम्ब २१ र टिम डेभिड ७ रनमा अविजित रहे। बलिङमा तनवीर सांघाले २ तथा नाथन म्याकन्ड्र्यू र एडम मिलनेले एक–एक विकेट लिए। यस अघि सिड्नीले टस हारेर पहिला ब्याटिंग गर्दै २० ओभरमा ५ विकेट गुमाएर १७७ रन बनाएको थियो ।
टिमले सानदार जीत हासिल गरेपनि लामिछाने भने लगातार दोस्रो खेलमा पनि विकेटविहीन रहेका छन् । खेलको पाँचौँ ओभरमा बलिङ गर्न आएका उनले सो ओभरमा छ रन खर्चिए । आफ्नो दोस्रो ओभरमा लामिछानेले विपक्षी खेलाडीलाई नौ रन दिए । तेस्रो ओभरमा उहाँले पाँच रन मात्र खर्चिए भने चौथो ओभरमा लामिछानेले आठ रन दिँदै चार ओभर बलिङ गर्दै २८ रन खर्चिदा विकेट विहिन बने ।
