“घर घर जाउँ, काँग्रेस जिताऔं”अभियानमा सहभागी हुन नेताकार्यकर्ता लाई काङ्ग्रेस अछामको अनुरोध
नेपाली कांग्रेस जिल्ला कार्य समिति अछाम को दोस्रो बैठक पार्टी कार्यालय मंगलसेनमा सम्पन्न भएको छ ।
जिल्ला भरी “घर घर जाउँ, काँग्रेस जिताऔं” अभियान सञ्चालन गर्ने निर्णय गर्दै बैठक सम्पन्न भएको हो ।
२९ गते आइतबार सदरमुकाम मंगलसेन बाट कार्यक्रमको सुभारम्भ गरी जिल्ला ब्यापि अभियान सञ्चालन गरिने भएको हो । अभियानमा “हरेक कांग्रेस को हातमा काम काधमा जिम्मेवारी“ भन्ने मुल नाराका साथ पार्टी सम्बद्ध सबै सुबेच्छुक तथा भातृ संस्थालाई समेत सक्रिय रूपमा परिचालन गरिने भएको छ । पार्टीले संचालन गरेको अभियानमा सम्बन्धित सबै क्षेत्र र तहका कार्यसमिति पदाधिकारी एवं नेताकार्यकर्ता हरुलाइ परिचालन हुन नेपाली कांग्रेस जिल्ला कार्य समिति अछामले सबै नेता कार्यकर्ता सबैलाई अनुरोध गरेको छ ।
जिल्ला सभापती पुष्प बहादुर शाह को सभापतित्वमा भएको बैठकमा केन्द्रीय सदस्य सिता राना प्रमुख अतिथि रहनु भएको थियो । प्रमुख अतिथि रानाले बैठकमा केन्द्रीय समितिले जारी गरेको कार्यक्रम र निर्देशनका बारेमा जानकारी गराउनुभएको थियो ।
बैठकमा जिल्ला कार्य समितिका पदाधिकारी, सदस्य ,महासमिति सदस्य, महाधिवेशन प्रतिनिधि लगायतको सहभागिता रहेको थियो । बैठकले २९ गते मंगलसेन, ५ गते तुर्माखाद ,६ गते ढकारी ,७ गते, कमलबजार ८ गते, बिनायक ९ गते ,रामारोशन १० गते, बान्निगढी ११ गते ,मेल्लेख,१२ गते चौरपाटी र १३ गते साफेबगरमा कार्यक्रम गरिने निर्णय गरेको नेपाली काङ्ग्रेस अछामका जिल्ला कार्यसमिति सदस्य जनकराज भण्डारीले जानकारी दिए । उक्त बैठक को संचालन सचिव टक्कर बहादुर शाहले गर्नुभएको थियो ।
