तुर्माखाँद गाउँपालिकामा अस्थायी करार कर्मचारी हकहित मञ्च द्वारा अनिश्चित कालिन तालाबन्दी
तुर्माखाँद गाउँपालिकामा अस्थायी करार कर्मचारी हकहित मञ्च बाट अनिश्चित कालिन समयका लागि ताला बन्दि गरिएको छ । तुर्माखाँद गाउँपालिकामा कार्यरत अस्थायी करार कर्मचारी द्वारा आइतबार तुर्माखाँद गाउँकार्यपालिकाको कार्यालयमा अनिश्चित कालका लागि ताला बन्दि गरेका हुन् । असार ३२ गते राति १०:३० बजे तिर एक्कासि करार म्याद थप नहुने निर्णय आएपछि विगत ५ बर्ष यता दिन रात अहोरात्र खटेर काम गर्दै आइरहेका कर्मचारी द्वारा ताला बन्दी गरिएको बताइएको छ । असार २४ गते कार्यालय बाट कार्यसम्पादन मुल्यांकन पेस गर्न लगाईयो, कार्यसम्पादन मुल्यांकनको वास्था नगरी असार राति एक्कासि म्याद थप नहुने निर्णय आउदा सम्पूर्ण अस्थायी करार कर्मचारी अचम्म मा परे , उक्त निर्णयले यति मात्र हैन स्वास्थ्य संस्थाहरुमा नराम्रो असर पर्न गएको छ। वडाहरुमा कार्यरत रहेका स्वास्थ्य संस्थामा अस्थायी करार कर्मचारी भने ३ दर्जन बढी छन् । यहीँ श्रावण १ गते देखि ३ गते सम्म वडा कार्यालय अन्तर्गत रहेका स्वास्थ्य चौकीमा Covid -19 को सम्पूर्ण खोपहरु लगाईने कुरा थियो, उक्त कुरा पनि ठप्प भएको छ।
यो समस्याले जनमानसमा पर्ने असरको जवाफदेही को हुने भन्ने बहस उठेको छ । कर्मचारी लाइ नै कार्यालयमा हाजिरी हुन् नदिए पछी स्वास्थ्यका कर्मचारीहरु स्वास्थ्य चौकी हरुमा सेवा दिन गएका छैनन् । स्वास्थ्य संस्था जस्तो संवेदनशिल क्षेत्र नै बन्द भएपछी आम नागरिकको स्वास्थ्य माथी गम्भीर खेलबाड भएको स्थानीयहरु बताउछन् । गाउँपालिका सरकारले आम नागरिकको हित बिपरित गरेको निर्णयका कारण वडा स्तरमा रहेका वर्थिङ् सेन्टरमा अनमी नै नरहने र वर्थिङ सेन्टर नै बन्द रहने समस्या देखिएको छ भने कार्यालय बाट दैनिक रूपमा प्रवाह हुने सेवामा पनि समस्या भएको छ स्थानीय तह अस्थायी तथा करार कर्मचारी हकहित मंच तुर्माखादका सचीव जनक रावतले बताए ।
