मंगलसैनमा सम्पन्न मट्का फोड्ने कार्यक्रममा हरिनगर ठुलासैनको टिमले फोड्यो मट्का
हाम्रो मंगलसेन युथ क्लब मंगलसेन नगरपालिका वडा नम्बर ५ को आयोजनामा भएको मट्का फोड्ने कार्यक्रममा सम्पन्न भएको छ ।
उक्त मट्का हरिनगर ठुलासैनको टिमले फुटाएको हो ।
क्लवले जन्माष्टमीको अवसरमा मनोरञ्जनात्मक मट्का फोड्ने कार्यक्रमको आयोजना गरेको थियो । उक्त मट्का फोड्ने कार्यक्रममा बिभिन्न ५ टिमको सहभागीता रहेको थियो ।
टिमले आ आफ्नो समुह बनाई करिब २५ फिट् माथि झुण्डाईएको मट्का फुटाउनु पर्ने नियम राखिएको थियो । गोलबन्द गेरा पारी काँधमा चडेर उक्त मट्का फोड्नुपर्ने नियम थियो ।
साबिकको जनाली बण्डालि गाबिस हाल मंगलसेन नगरपालिका वडा नम्बर ६ को हरिनगर ठुलासैनको टिमले मट्का फोडेको थियो । उक्त टिममा मंगलसेन ६ र ७ का युवा हरुको संयुक्त सहभागी थिए ।
अथय प्रयास र मेहनत पछि टिमले मट्का फोडेसंगै हरिनगर ठुलासैन टिम बिजेता बनेको छ । टिमले नगद पुरुस्कार समेत हात पारेको छ ।
