नि:शुल्क स्वास्थ्य शिविर – हजारौं सेवाग्राही
अछाम: पञ्चदेवल विनायक नगरपालिकामा निशुल्क स्वास्थ्य शिविर सञ्चालन भइरहेको छ ।
‘स्वस्थ नागरिक,हाम्रो रहर उन्नत जजीवन,समृद्ध नगर’ भन्ने नाराका साथ फाल्गुन ७ गते देखि २ दिन सम्म सम्पुर्ण रोगहरुको चेकजाँच तथा उपचार हुनेगरि विनायकमा सुरु भएको हो । काठमाडौं मेडिकल कलेज पब्लिक लिमिटेड टिचिङ अस्पतालको सहकार्यमा पञ्चदेवल नगरपालिकामा सम्पुर्ण रोगको उपचार हुनेगरि आज बाट सुरु भएको पञ्चदेवल नगरपालिका स्वास्थ्य शाखा संयोजक जनक बुढाले जानकारी दिए ।
अपेक्षा गरे भन्दा धेरै सेवाग्राहीहरुको सहभागीता रहेकाले नगरपालिकालाई भिड नियन्त्रण गर्न हम्मे हम्मे भएको बताए ।
करिब पाँच हजार सेवाग्राही लाभान्वित हुने अपेक्षा गरेकोमा त्यो संख्या बढ्न सक्ने रोजगार संयोजक भरत अधिकारीको भनाई छ ।
पञ्चदेवल नगरपालिकाकाले आयोजना गरेको स्वास्थ्य शिविरमा स्वास्थ्य सेवा सुधारमा अत्यन्त सुधार हुने देखिएको स्थानीय तथा समाजसेवी दिपेन्द्र धामीको प्रतिक्रिया छ ।
