नेपाली कांग्रेसका नेता डा. शेखर कोइरालाले नेपालमा बढिरहेको भ्रष्टाचारबारे विदेशीसमेत अचम्मित हुन थालेको बताएका छन् ।

कांग्रेस धनपालथान गाउँपालिकाले शुक्रबार मोरङको ललियामा आयोजना गरेको कार्यकर्ता भेटघाट कार्यक्रमलाई सम्बोधन गर्दै उनले कांग्रेसले कुनै पनि किसिमको भ्रष्टाचारलाई प्रश्रय नदिने बताए ।

‘आजभोलि हरेक विदेशी भेट्दा किन तिम्रो देशमा हरेक कुरामा भ्रष्टाचार हुन्छ भनेर सोध्छन् । के जवाफ दिने ?’ उनले भने । नेता कोइरालाले मुलुक भ्रष्टाचारमा चुर्लुम्म डुबेको भन्दै विदेशीका अगाडि शीर झुकाएर हिँड्नु पर्ने अवस्था सिर्जना भएको बताए ।

भ्रष्टाचारमुक्त समाज निर्माणमा आफू कत्ति पनि नडग्मगाउने प्रतिबद्धतासमेत कोइरालाले गरे । भ्रष्टाचारको अन्त्य नभएसम्म जति भाषण गरे पनि देश विकास नहुने कोइरालाको तर्क थियो । ‘अहिलेसम्मको कांग्रेस कसरी चल्यो । म त्यता जान्न तर अब कांग्रेसले कुनै प्रकारको भ्रष्टाचारलाई प्रश्रय दिने छैन,’ उनले भने ।

सिफारिस

वर्तमान सरकार असफल भए मुलुकमा राजनैतिक अराजकता निम्तिने छ : शेखर कोइराला

नेविसंघमा शेखर पक्षको समानान्तर गतिविधि, महाधिवेशन प्रतिनिधि तोक्यो

विश्व ध्यान दिवस अछाममा मनाइयो

कोष नियन्त्रक भट्टको विदाइ तथा फेरि भेटौला कार्यक्रम सम्पन्न

देउसी भैलोबाट संकलन रकमले शिक्षकको पारिश्रमिक दिने 

कांग्रेस युवा नेता शाहीको संयोजनमा मेची–महाकाली ‘युवा संकल्प यात्रा’ कात्तिक २३ गतेदेखि