निजामती कर्मचारी युनियनको संगठन बिस्तार तथा सुदृढीकरण कार्यक्रम अछाममा सम्पन्न
अछाम : नेपाल निजामती कर्मचारी युनियनको संगठन बिस्तार तथा सुदृढीकरण कार्यक्रम मंगलसेनमा सम्पन्न भएको छ ।
युनियन अछामका अध्यक्ष झपटराज ढुंगानाको अध्यक्षतामा भएको कार्यक्रमका प्रमुख अतिथि नेपाली काङ्ग्रेस अछामका पार्टी सभापति एवं प्रतिनिधि सभा सदस्य पुष्प बहादुर शाह रहनु भएको थियो भने विशिष्ट अतिथि नेपाली निजामती कर्मचारी युनियनका सुदुरपश्चिम प्रदेश अध्यक्ष एवं केन्द्रीय उपाध्यक्ष धर्म देउवा रहनु भएको थियो ।
निजामति कर्मचारीहरुलाई एकताबद्ध भएर थप सशक्त हुन केन्द्रीय कार्यक्रम अनुसार अभियान थालिएको कर्मचारी युनियन अछामका अध्यक्ष झपट राज ढुंगानाले जानकारी दिए ।
अन्तरक्रिया कार्यक्रममा कर्मचारीहरुका पेशागत हकहितका लागि वकालत गर्ने, युनियनमा नयाँ सदस्यता आवद्ध गराउने तथा संगठन सुदृढीकरण गर्ने विषयमा छलफल भएको नेपाल निजामती कर्मचारी युनियन अछामका उपाध्यक्ष बिष्णु उपाध्यायले बताए ।
कार्यक्रममा निजामति कर्मचारी युनियनका केन्द्रीय सदस्य अमृता रावल ,जयन्द्र पाण्डे ,प्रकाश खाती लगायत नेपाल निजामति कर्मचारी युनियनमा आवद्ध अछाम जिल्लामा कार्यरत कर्मचारीहरुको सहभागिता रहेको थियो ।
चौरपाटी गाउँपालिका अछाम द्वारा जारी सन्देश
साफेबगर नगरपालिका द्वारा जारी सन्देश
