सुजाताको समर्थनपछि शेखर कोइराला भन्छन्- एकताबद्ध भएर अघि बढ्छौँ
काठमाडौं : नेपाली कांग्रेसका नेतृ सुजाता कोइरालाले पार्टीको आगामी महाधिवशेनमा शेखर कोइरालालाई समर्थन गर्ने घोषणा गरेकी छन् ।
शुक्रबार बालुवाटारस्थीत शेखर कोइरालाको सचिवालयमा पुगेर सुजाता कोइरालाले आफूभित्र कुनै विवाद नरहेको भन्दै आगामी आगामी महाधिवशेनमा शेखर कोइरालालाई समर्थन गर्ने घोषणा गरेकी हुन् ।
पार्टीका अग्रज आफ्ना परिवारहरूले देखेको सपना पुरा गर्ने नेतृत्वदायी भूमिका शेखर कोइरालाले लिएको भन्दै सुजाता कोइरालाले मुलुकलाई निकास एकजुट हुनै पनि उल्लेख गरिन् ।
त्यस्तै कांग्रेस नेता शेखर कोइरालाले देश अप्ठेरो अवस्थामा रहेका बेला सबै मिलेर अघि बढ्नुपर्ने बताए । उनले विगतमा केही तलमाथि भए पनि चिन्ता गर्नुपर्ने अवस्था नरहेको भन्दै पुन एकताबद्ध भएर अघि बढ्ने धारणा राखे ।
उनले आगामी महाधिवेशनको तयारीमा जुट्न नेता तथा कार्यकर्तासमक्ष आग्रह गरे।
