अछाममा बाजागाजा सहित नेपाली सेनाले भित्र्याए फुलपाती
सुशील भण्डारी असोज २४,अछाम,
जिल्ला स्थित नेपाली सेनाको गोरख बक्स गणको एक टुकटीले हिन्दु धर्मको परम्परागत संस्कृति र आफ्नो प्रचलन अनुसार सलामी दिएको थियो ।
सेनाको प्रचलन अनुसार सलामी दिदै कुपिण्डो र बोकाको बली दिई धार्मीक परम्परा अनुसार फुलपाती भित्र्याईएको छ ।
बेलपत्र, दारिम, हलेदो, केराको बोट, उखु, धान र जयन्ती, अशोकको फूललाई नवपत्रिका स्वरुप फूलपातीका दिन देवी समक्ष अर्पण गर्ने चलन रहेको छ ।
घटस्थापनाका दिनदेखि वैदिक विधिपूर्वक दुर्गालाई आह्वान गरी पूजाआजा गरिएको दसैँघर अथवा पूजाकोठामा शुभ साइतको प्रतीकका फुलपाती भित्र्याउने गरिएको प्रमुख जिल्ला अधिकारी शिवप्रसाद लम्सालले बताए ।
नवपत्रिकाको नामले चिनिने फूलपाती नौ देवीको प्रतीकका रुपमा भित्र्याई शास्त्रीय विधि अनुसार शक्तिको आराधनाका साथ पूजा गर्ने वैदिक विधि रहेको प्रजिअ लम्सालको भनाइ छ । हाम्रा रिति रिवाज र चाडपर्व हरुलाइ जगेर्ना गर्ने उदेश्यका साथ फुलपाती भित्र्याउने कार्यक्रम भव्य रुपमा मनाइएको उनले बताए ।
कार्यक्रममा गोरख बक्स गण अछामका गणपति प्रमुख सेनानी संगम अधिकारी , जिल्ला प्रहरी कार्यालय अछामका प्रमुख प्रहरी नायब उपरीक्षक इश्वरी प्रसाद भण्डारी लगायतको उपस्थित रहेकोे थियो ।
नेपाली सेना ,नेपाल प्रहरीको र स्थानीय बाजा गाजा सहित
फुलपाती भित्र्याइएको थियो ।
