कोष नियन्त्रक भट्टको विदाइ तथा फेरि भेटौला कार्यक्रम सम्पन्न
अछाम : कोष तथा लेखा नियन्त्रण कार्यालय अछामका कोष नियन्त्रक नरेश राज भट्टको बिदाइ तथा फेरि भेटौला कार्यक्रम सम्पन्न भएको छ ।
कर्मचारी संगम अछामको आयोजनामा एक कार्यक्रमका बीच भट्टको बिदाइ गरिएको हो ।
कर्मचारी संगम अछामका उपाध्यक्ष खकेन्द्र सोडारीको अध्यक्षतामा भएको कार्यक्रममा कोष नियन्त्रक भट्टलाई मायाको चिनो सहित खादा लगाएर बिदाइ गरिएको थियो । उक्त कार्यक्रममा बोल्दै कोष नियन्त्रक भट्टले कर्मचारी हरुको बढुवा सरुवा नियमित चलिरहने प्रक्रिया भएकोले यो अवधिमा विभिन्न ठाँउ बाट सहयोग गर्नुहुने सम्पुर्ण लाई धन्यवाद दिनुभयो ।
कार्यक्रममा प्रमुख अतिथि प्रमुख जिल्ला अधिकारी शिव प्रसाद लम्सालले भट्ट निकै सरल र सहज प्रशासक भएको भन्दै प्रसंशा गर्नुभयो । साथै उनले ब्याक्तिगत तथा व्यवसायीक जिवनको शुभकामना व्यक्त गरेका थिए । उक्त कार्यक्रममा जिल्ला स्थित सुरक्षा निकायका प्रमुख र जिल्ला स्थित सम्पुर्ण सरकारी कार्यालयका प्रमुख हरुको उपस्थित रहेको थियो । उक्त कार्यक्रमको संचालन नायब सुब्बा बिनोद खनालले गरेका थिए । यस्तै कोलेनिका तथा लेखा समुह अछामले पनि भट्टको भव्य रूपमा बिदाइ गरेको थियो ।
