अछाम जिल्ला न्यायाधीश ढुंगानाको बिदाइ तथा फेरि भेटौला कार्यक्रम सम्पन्न
अछाम : कर्मचारी संगम अछामको आयोजनामा अछाम जिल्ला न्यायाधीश प्रकाश ढुंगानाको बिदाइ तथा फेरि भेटौला कार्यक्रम सम्पन्न भएको छ ।
संगमका उपाध्यक्ष खकेन्द्र बहादुर सोडारीको अध्यक्षतामा भएको कार्यक्रमका प्रमुख अतिथि जिल्ला न्यायाधीश प्रकाश ढुंगाना प्रमुख अतिथि रहनु भएको थियो ।
न्यायाधीश ढुंगानालाइ फुल माला, अबिर दोसल्ला ओढाइ र मायाको चिनो प्रदान गरि फेरि भेटौला बिदाई कार्यक्रम गरिएको थियो । कार्यक्रममा बोल्दै प्रमुख जिल्ला अधिकारी शिवप्रसाद लम्सालले अछाममा कार्यरत रहँदा
उहाँले कानुन र न्यायका मान्य सिद्धान्तका आधारमा स्वच्छ एवम् निष्पक्ष न्याय सम्पादन गर्नुभएको भन्दै प्रसंशा गर्दै नयाँ कार्यक्षेत्रको लागि उहाँलाई हार्दिक शुभकामना व्यक्त गर्नुभयो ।
कार्यक्रममा बोल्दै जिल्ला न्यायाधीश ढुंगानाले न्याय सम्पादनको इजलासमा हुँदा बाहेक अरु समयमा आफू अरु जस्तै सामान्य नागरिक भएको बताए ।
कर्मचारी हरुको बढुवा सरुवा नियमित चलिरहने प्रक्रिया भएकोले यो अवधिमा विभिन्न ठाँउ बाट सहयोग गर्नुहुने सम्पुर्ण लाई धन्यवाद दिनुभयो ।
कार्यक्रममा जिल्ला समन्वय समिति अछामका प्रमुख ललित बहादुर कुवर,गोरख बक्स गण अछामका गणपति प्रमुख सेनानी संगम अधिकारी ,जिल्ला प्रहरी कार्यालय अछामका प्रमुख प्रहरी नायब उपरीक्षक इश्वरी भण्डारी ,प्रमुख अनुसन्धान अधिकृत डिलबहादुर चौधरी लगायत जिल्ला स्थित सरकारी कार्यालयका प्रमुख हरुको उपस्थित रहेको कार्यक्रमको संचालन नायब सुब्बा बिनोद खनालले गर्नुभएको थियो ।
