कर्मचारी संगम अछामको साधारणसभा तथा बनभोज कार्यक्रम सम्पन्न
अछाम : कर्मचारी संगम अछामको साधारणसभा तथा बनभोज कार्यक्रम सम्पन्न भएको छ । संगमका उपाध्यक्ष खकेन्द्र सोडारिको अध्यक्षतामा भएको एक भेलाले
काेष तथा लेखा नियन्त्रक कार्यालय अछामका काेष नियन्त्रक दिवस घिमिरेको अध्यक्षतामा ११ सदस्यीय नयाँ कार्यसमिती चयन गरिएको छ । जसको बरिस्ठ उपाध्यक्षमा खकेन्द्र सोडारी,उपाध्यक्ष डम्मर रावल ,सचिव बिनोद खनाल ,काेषाध्यक्ष टेकराज सिजापती ,सहसचीव गंगा बुढा मगर,सदस्य लोकबहादुर चलाउने,शिवराज भट्ट ,सुशीला ढुंगाना लगायत रहेका छन् ।
नंया कार्यसमितिका पदाधिकारी तथा सदस्य लाई प्रमुख जिल्ला अधिकारी शिवप्रसाद लम्सालले बधाई दिएका छन् । कार्यक्रमका प्रमुख अतिथि प्रजिअ लम्सालले संगमले बिगतका दिन हरुमा विभिन्न कार्यहरु गरेकोले यो नयाँ कार्यसमितीले विभिन्न रचनात्मक र सिर्जनात्मक कार्य हरु गर्नेमा आफू बिश्वस्त रहेको बताए ।
बनभोज कार्यक्रममा विभिन्न मनोरञ्जनात्मक खेल पनि खेलाइएको थियो । उक्त कार्यक्रममा गोरख बक्स गण अछामका गणपति प्रमुख सेनानी संगम अधिकारी ,प्रहरी नायब उपरीक्षक इश्वरी भण्डारी ,प्रमुख अनुसन्धान अधिकृत डिलबहादुर चौधरी लगायतको उपस्थित रहेको थियो । संगमका सदस्य यज्ञ भट्टको स्वागत मन्तव्य बाट सुरु भएको कार्यक्रम संचालन संगमका सचिव बिनोद खनालले गरेका थिए ।
आर्थिक तथा सांगठनिक प्रतिवेदन टेकराज सिजापतिले प्रस्तुत गरेका थिए ।
