श्री कालिका देवी आधारभूत विद्यालय रामारोशन -५ को ३४ औं अभिभावक भेला सम्पन्न
अछाम :रामाराेशन गाउँपालिका वडा नम्बर ५ तल्लो पातलमा रहेको श्री कालिका देवी आधारभूत विद्यालयकाे ३४ औं वार्षिकोत्सब तथा अभिभावक भेला कार्यक्रम विभिन्न निर्णय गर्दै सम्पन्न भएको छ ।
बिधालय व्यवस्थापन समितीका अध्यक्ष उमेश बोहराको अध्यक्षतामा भएको कार्यक्रमका प्रमुख अतिथि रामारोशन गाउँपालिका प्रमुख प्रशासकीय अधिकृत रामबहादुर भण्डारी रहनुभएको थियो ।
कार्यक्रममा प्रमुख अतिथिको रूपमा बोल्दै भण्डारीले
विद्यालयलाई नयाँ योजनाका साथ विद्यालयको शैक्षिक विकासका लागि सबैले साथ र सहयोग गर्नुपर्ने बताउनुभयो ।
विद्यालयको शैक्षिक विकासका लागि अभिभावकहरुको महत्वपूर्ण भूमिका हुनुपर्ने भन्दै विद्यालयलाई समय समयमा आएर रचनात्मक सुझावहरु दिन अनुरोध गर्नुभयो ।
कार्यक्रमम विशिष्ट अतिथिको रूपमा बोल्दै वडा नम्बर ५ का अध्यक्ष केशरबहादुर शाहले
विद्यालयको विकासका लागि शिक्षक-अभिभावक नै सचेत र जागरूक हुनुपर्ने बताउनुभयो । बालबालिकाको भविष्य निर्माण गर्ने जिम्मेवारी शिक्षक र अभिभावकको हातमा रहेको भन्दै सबैले सजक र जिम्मेवार हुन आवश्यक रहेको बताउनुभयो । त्यस्तै कार्यक्रममा रामारोशन गाउपालिक स्वास्थ्य शाखा प्रमुख दिपक खनाल विशिष्ट अतिथि रहनु भएको थियो ।
कार्यक्रममा नरेन्द्र बुढा ,भरत शाह,मन्जित बोहरा लगायतले मन्तव्य राखेका थिए । उक्त कार्यक्रममा स्वागत मन्तव्य बिव्यस सदस्य चन्द बटालाले राख्नु भएको थियो ।
