’अब पार्टी भित्र अन्याय हुन दिन्न’ – शेखर कोइराला
बाँके : नेपाली कांग्रेसका नेता डा.शेखर कोइरालाले कांग्रेसका नेता तथा कार्यकर्ताहरु माथि अब अन्याय हुन नदिने प्रतिबद्धता जनाएका छन् ।
कांग्रेसको राप्ति सोनारी गाउँपालिका सम्मेलनलाई आईतबार उदघाटन् गर्दै डा.कोइरालाले कांग्रेस कार्यकर्तालाई संरक्षण गर्ने जिम्मेवारी आफुले लिने बताएका हुन ।
नेता डा.कोइरालाले थप्नुभयो–’ढुक्क भएर संगठन गर्नुस, समयमै सदस्यता नविकरण गराउनुस ।’ सबै तहका कांग्रेस कार्यकर्ताहरु पार्टीको विधान अनुसार अघि बढन निर्देशन समेत दिनुभयो ।
ब्यक्ति बलियो होईन संस्था बलियो बनाउनु पर्ने धारणा राख्दै देश दौडाहमा रहेका नेता डा. कोइरालाले आगामी महाधिवेशन निर्धारित समयमै हुनुपर्ने समेत बताउनुभएको छ ।
निरन्तर जिल्ला भ्रमणमा रहेका कांग्रेस नेता डा. कोइराला शनिबार नेपालगन्जमा आईपुग्नु भएको हो।
