अछामका प्रमुख जिल्ला अधिकारी लम्सालको बिदाइ तथा फेरि भेटौला कार्यक्रम सम्पन्न

अछामका प्रमुख जिल्ला अधिकारी लम्सालको बिदाइ तथा फेरि भेटौला कार्यक्रम सम्पन्न

अछाम ,चैत १० : अछामका प्रमुख जिल्ला अधिकारी शिवप्रसाद लम्सालको भव्य रुपमा बिदाइ तथा फेरिभेटौला कार्यक्रम सम्पन्न भएको  छ ।

 

कर्मचारी संगम अछामका अध्यक्ष दिवस घिमिरेको अध्यक्षतामा भएको कार्यक्रममा प्रमुख जिल्ला अधिकारी लम्साललाई जिल्ला स्थित सम्पुर्ण कार्यालयका कर्मचारीहरुले फुल माला र अबिरले भव्य रुपमा बिदाइ गर्नुभएको थियो ।

कार्यक्रममा बोल्दै प्रजिअ लम्सालले अझ पनि अछाममै बसेर सेवा दिन पाए हुन्थ्यो भन्दै अछाम बसाइका सकारात्मक पक्षहरुको चर्चा गर्नु भएको थियो । आफ्नो कार्यकाल अवधीभर जिल्लाका नागरिक लाई सहज र सरल रूपमा सेवा प्रदान गर्न कुनै कसुर बाकी नराखेको बताउनुभयो ।

कार्यालयमा सबै कर्मचारी हरु संग समन्वय सहकार्य गर्दै कार्यालय बाट नागरिकलाई प्रदान गरिने सेवा प्रवाह सहित जिल्लाको शान्ति सुरक्षामा अमन चयनमा कटिबद्ध भएर लागेको बताउनुभयो ।

साथै उहाँले सरुवा बढुवा निरन्तर चलिरहने प्रक्रिया भएकोले यो अवधीमा आफुलाइ विभिन्न तहबाट सहयोग गर्नुहुने सम्पुर्ण लाई धन्यवाद समेत व्यक्त गर्नुभयो । करिव ११ महिना अछामको प्रमुख जिल्ला अधिकारीको जिम्मेवारी पुरा गरी गृहमन्त्राल सरुवा हुनु भएको हो ।

त्यस्तै कार्यक्रममा सम्पुर्ण सुरक्षा निकायको तर्फबाट मन्तव्य राख्दै गोरख बक्स गण अछामका गणपति प्रमुख सेनानी
संगम अधिकारीले जिल्लाको शान्ति सुरक्षा कायम गर्न जिल्ला स्थित सुरक्षा समितीका बीच निकै विविकेपुर्ण तरिकाले समन्वय सहकार्य गर्ने गर्नुभएको बताउनुभयो ।
उहाँको कार्यकालमा जिल्लामा कुनै प्रकारका अप्रिय घटना नघटि शान्ति सुरक्षा अमन चयन प्रभावकारी बनेको बताउनुभयो ।

कार्यक्रममा मंगलसेन नगरपालिका गेहेद्र बहादुर डाङीले
प्रजिअ लम्सालको कार्य क्षमता प्रति प्रसंशा गर्दै कर्मचारी हरु बिच समन्वयकारी भुमिका निर्वाह गर्दै मुस्कान सहित नागरिकको सेवामा समर्पित हुन् कर्मचारी हरुलाइ आग्रह गर्ने गरेको बताउनुभयो ।

कार्यक्रममा जिल्ला स्थित सुरक्षा निकायका प्रमुख लगायत जिल्ला स्थित सरकारी कार्यालयका कर्मचारीको उपस्थित रहेको थियो । उक्त कार्यक्रमको संचालन संगमका सचिव  बिनोद खनालले गर्नुभएको थियो । अछाममा नयाँ प्रमुख जिल्ला अधिकारीको रूपमा सहसचिव आनन्द सारुको सरुवा भएको छ् ।

रामारोशन गाउँपालिका कार्यालय अछाम द्वारा जनहितमा जारी सन्देश

Leave a Reply